ພາບລວມຂອງຫາງແຮ່
ບໍລິສັດ ພູເບ້ຍ ມາຍນິງ ດໍາເນີນອ່າງເກັບຫາງແຮ່ຢູ່ສອງແຫ່ງຄື: ອ່າງເກັບຫາງແຮ່ພູຄໍາ ແລະ ອ່າງເກັບຫາງແຮ່ບ້ານຫ້ວຍຊາຍ. ອ່າງເກັບຫາງແຮ່ດັ່ງກ່າວແມ່ນໂຄງສ້າງທີ່ຖືກນໍາໃຊ້ເພື່ອເກັບກັກ ວັດສະດຸເສດເຫຼືອ (ຫາງແຮ່) ຈາກໂຮງງານປຸງແຕ່ງ. ອ່າງຫາງແຮ່ ແມ່ນຕ່າງກັບເຂື່ອນໄຟຟ້າພະລັງນໍ້າ. ຄວາມແຕກຕ່າງຫຼັກກໍ່ຄື ປົກກະຕິແລ້ວເຂື່ອນໄຟຟ້າເຮັດສໍາເລັດໃນລະດັບຄວາມສູງສຸດທ້າຍໃນໄລຍະການກໍ່ສ້າງເບື້ອງຕົ້ນ, ໃນຂະນະທີ່ອ່າງເກັບຫາງແຮ່ ຖືກຍົກຄວາມສູງເພີ້ມ (ທຸກໆປີ ຫຼື ທຸກໆ 6 ເດືອນ) ເປັນ ‘ໄລຍະໆ’ ຕະຫຼອດອາຍຸຂອງເຂດຂຸດຄົ້ນ ໂດຍສອດຄ່ອງກັບອັດຕາຫາງແຮ່ທີ່ຜະລິດໄດ້. ການກໍານົດໄລຍະຂອງເຂື່ອນຫາງແຮ່ດັ່ງກ່າວ ແມ່ນອີງໃສ່ອັດຕາການຜະລິດຫາງແຮ່ ແລະ ຕ້ອງພິຈາລະນາດິນຟ້າອາກາດຕາມລະດູການ ແລະ ສະພາບໄລຍະກໍ່ສ້າງ.
ອ່າງເກັບຫາງແຮ່ທັງສອງຂອງບໍລິສັດ ພູເບ້ຍ ມາຍນິງ ປະກອບດ້ວຍເຂື່ອນຫຼັກທີ່ຂັ້ນລະຫວ່າງຮ່ອມພູທີ່ຖົມດ້ວຍດິນ/ຫິນ, ເຂື່ອນກັ້ນນໍ້າ ແລະ ທາງລະບາຍນໍ້າລົ້ນ. ເຂື່ອນດັ່ງກ່າວແມ່ນເຂື່ອນທີ່ຖົມດ້ວຍດິນ/ຫິນ ຊຶ່ງລວມມີເຂດທີ່ສາມາດຊຶມຜ່ານໄດ້ຕໍ່າ, ເຂດຕອງກັນຊຶມພາຍໃນ ແລະ ເຂດທີ່ມີໂຄງສ້າງຫຍາບຢູ່ສາຍນໍ້າຕອນລຸ່ມ. ອ່າງເກັບຫາງແຮ່ຂອງບໍລິສັດ ພູເບ້ຍ ມາຍນິງ ຖືກສ້າງຂຶ້ນໂດຍນໍາໃຊ້ວິທີການກໍ່ສ້າງຢູ່ສາຍນໍ້າຕອນລຸ່ມ ຊຶ່ງໂດຍທົ່ວໄປເປັນທີ່ຍອມຮັບໂດຍອຸດສາຫະກໍາບໍ່ແຮ່ ຊຶ່ງເປັນຮູບແບບການກໍ່ສ້າງເຂື່ອນຫາງແຮ່ທີ່ປອດໄພທີ່ສຸດ ເມື່ອສົມທຽບໃສ່ການກໍ່ສ້າງແລວກາງ ແລະ ສາຍນໍ້າຕອນເທິງ. ການກໍ່ສ້າງມີສາມວິທີ ແມ່ນສະແດງໄວ້ລຸ່ມນີ້:
ອ່າງເກັບຫາງແຮ່ທັງຢູ່ໂຄງການ ພູຄໍາ ແລະ ໂຄງການ ບ້ານຫ້ວຍຊາຍ ມີໂຄງສ້າງທາງລະບາຍນໍ້າລົ້ນຕາມແບບວິສາວະກໍາ ຊຶ່ງຖືກອອກແບບມາເພື່ອລະບາຍນໍ້າລົ້ນຢ່າງປອດໄພ ໃນກໍລະນີມີໄພນໍ້າຖ້ວມສູງສຸດ (Probably Maximum Flood (PMF)) ຊຶ່ງທຽບເທົ່າກັບເຫດການນໍ້າຖ້ວມທີ່ເກີດຊໍ້າໃນປີ 1:10,000. ການບໍາບັດ ແລະ ການຕິດຕາມກວດກາດ້ານສິ່ງແວດລ້ອມທີ່ເໝາະສົມ ຖືກວາງອອກເພື່ອສະແດງໃຫ້ເຫັນນໍ້າທີ່ປ່ອຍອອກ ແມ່ນປະຕິບັດໄດ້ຕາມລະບຽບຕ່າງໆຂອງອຸດສາຫະກໍາ.
ອ່າງເກັບຫາງແຮ່ດັ່ງກ່າວ ຖືກອອກແບບ, ກໍ່ສ້າງ ແລະ ດໍາເນີນງານຕາມມາດຕະຖານສາກົນຂອງຄະນະກໍາມະການເຂື່ອນໃຫຍ່ສາກົນ (ICOLD) ແລະ ຄະນະກໍາມະການແຫ່ງຊາດອົດສະຕຣາລີ ວ່າດ້ວຍບໍລິສັດເຂື່ອນໃຫຍ່ (ANCOLD).
ຄຸນລັກສະນະສໍາຄັນຂອງອ່າງເກັບຫາງແຮ່ແມ່ນຢູ່ລ້າງລຸ່ມ
| ຄຸນລັກສະນະ | ອ່າງຫາງແຮ່ພູຄໍາ | ອ່າງຫາງແຮ່ບ້ານຫ້ວຍຊາຍ |
|---|---|---|
| ສະຖານະ | ໃຊ້ງານ | ໃຊ້ງານ |
| ປີດໍາເນີນງານ | 16 (2008) | 12 (2012) |
| ຄວາມສູງ: ປະຈຸບັນ/ສຸດທ້າຍ | ສັນເຂື່ອນຫຼັກ | |
| ເຂື່ອນທິດຕາເວັນຕົກ: 20ມ/20ມ | ສັນເຂື່ອນຫລັກ: 91ມ/99ມ | |
| ເຂື່ອນຈຸດປ່ອຍນໍ້າ: 34ມ/34ມ | ສັນເຂື່ອນຕອນລຸ່ມ: 39ມ/37ມ | |
| ເຂື່ອນທິດຕາເວັນອອກ: 10ມ/10ມ | ||
| ການບັນຈຸສູງສຸດ | 240 ລ້ານໂຕນ | 84 ລ້ານນໂຕນ |
| ອັດຕາການຜະລິດຫາງແຮ່ | 10 ລ້ານໂຕນ | 5 ລ້ານໂຕນ |
ວິທີການຂອງບໍລິສັດ ພູເບ້ຍ ມາຍນິງ
ບໍລິສັດ ພູເບ້ຍ ມາຍນິງ ມຸ້ງໝັ້ນໃນການຄຸ້ມຄອງຫາງແຮ່ຢ່າງມີຄວາມຮັບຜິດຊອບທາງສັງຄົມ ແລະ ສິ່ງແວດລ້ອມ ເພື່ອຫຼຸດຜ່ອນຜົນກະທົບດ້ານສຸຂະພາບ ແລະ ຄວາມປອດໄພຕໍ່ຄົນ ແລະ ສິ່ງແວດລ້ອມ.
ລະບົບການຄຸ້ມຄອງຫາງແຮ່ຮອບດ້ານ ຖືກວາງອອກ ຊຶ່ງລວມມີມາດຕະຖານຄຸ້ມຄອງຫາງແຮ່ຂອງແພນອອສ໌, ກົດບັດຂອງກໍາມະການທົບທວນຫາງແຮ່ ແລະ ຄູ່ມືດໍາເນີນງານ, ບໍາລຸງຮັກສາ ແລະ ຄວບຄຸມດູແລຂອງບໍລິສັດ ພູເບ້ຍ ມາຍນິງ. ມາດຕະຖານການຄຸ້ມຄອງ ກໍານົດຊັດເຈນກ່ຽວກັບຄວາມຮັບຜິດຊອບໃນການປະຕິບັດ ແລະ ຄວາມຮັບຜິດຊອບໃນຜົນການປະຕິບັດ, ຫຼັກການ ແລະ ມາດຕະຖານຕ່າງໆ ແລະ ຊຸກຍູ້ການປັບປຸງອັນຕໍ່ເນື່ອງ ເພາະເຫັນໄດ້ຄວາມກ້າວໜ້າເທື່ອລະກ້າວ ເພື່ອເພີ້ມທະວີການປະຕິບັດວຽກງານດ້ານສິ່ງແວດລ້ອມ ແລະ ຄວາມປອດໄພໃນໄລຍະຍາວ. ມາດຕະຖານຄຸ້ມຄອງຫາງແຮ່ຂອງແພນອອສ໌ ແມ່ນອີງໃສ່ຄໍາແນະນໍາຕ່າງໆຂອງສາກົນເຊັ່ນ: MAC, CDA, ICOLD, ANCOLD and GISTM.
ບໍລິສັດ ແພນອອສ໌ ໄດ້ແຕ່ງຕັ້ງບົດບາດຕ່າງໆທີ່ສອດຄ່ອງກັບມາດຕະຖານອຸດສາຫະກໍາໂລກວ່າດ້ວຍການຄຸ້ມຄອງຫາງແຮ່ (GISTM). ຜູ້ຈັດການຝ່າຍບໍລິການດ້ານເຕັກນິກ ແລະ ສຶກສາໂຄງການ ແມ່ນຜູ້ບໍລິຫານທີ່ມີຄວາມຮັບຜິດຊອບຊຶ່ງຖືກແຕ່ງຕັ້ງ ແລະ ຮັບຜິດຊອບຄວາມປອດໄພຂອງອ່າງຫາງແຮ່ດັ່ງກ່າວ. ວິສະວະກອນອ່າງຫາງແຮ່ຢ່າງມີຄວາມຮັບຜິດຊອບຊຶ່ງຖືກແຕ່ງຕັ້ງ (RTFE) ແມ່ນຜູ້ຈັດການຝ່າຍຫາງແຮ່ ແລະ ທໍລະນີເຕັກນິກ. RTFE ຮັບຜິດຊອບຄວາມໝັ້ນຄົງຂອງອ່າງຫາງແຮ່ ແລະ ຄຸ້ນເຄີຍກັບພື້ນຖານການອອກແບບ, ບົດລາຍງານການອອກແບບ ແລະ ການກໍ່ສ້າງ ແລະ ການທໍາງານຂອງອ່າງຫາງແຮ່.
ກໍາມະການທົບທວນຫາງແຮ່ (TRC) ຖືກນໍາໃຊ້ຢູ່ແພນອອສ໌ ເພື່ອເຮັດໃຫ້ການຄຸ້ມຄອງ ແລະ ການບໍລິຫານຈັດການອ່າງເກັບຫາງແຮ່ ປະສານກັນ ເພື່ອຮັບປະກັນວ່າຍຸດທະສາດ ແລະ ການຕັດສິນໃຈໄດ້ຮັບການຈັດຕັ້ງປະຕິບັດຕົວຈິງ. ຈຸດປະສົງຂອງ TRC ລວມມີການແຈ້ງປະທານບໍລິຫານຊາບກ່ຽວກັບຄວາມສ່ຽງຂອງວັດສະດຸ, ກວດເບິ່ງການກະທໍາຕ່າງໆທີ່ຕິດພັນກັບຄວາມສ່ຽງຂອງວັດສະດຸ ແລະ ໃຫ້ການສະໜັບສະໜູນທີ່ຈໍາເປັນ ແລະ ຊັບພະຍາກອນ, ແລະ ການຕັດສິນໃຈທາງຍຸດທະສາດທີ່ຕົກລົງເຫັນດີ ທີ່ກ່ຽວຂ້ອງກັບອ່າງເກັບຫາງແຮ່. TRC ແມ່ນໜ່ວຍງານພາຍໃນ ແລະ ສະມາຊິກລວມມີຜູ້ຈັດການໃຫຍ່ຝ່າຍບໍລິການດ້ານເຕັກນິກ ແລະ ສຶກສາໂຄງການ, ຜູ້ຈັດການໃຫຍ່ຝ່າຍຜະລິດ, ຜູ້ຈັດການພະແນກຫາງແຮ່ ແລະ ທໍລະນີເຕັກນິກ, ຜູ້ຈັດການພະແນກຄຸ້ມຄອງຄວາມສ່ຽງ, ຜູ້ຈັດການຝ່າຍຄຸ້ມຄອງຄວາມສ່ຽງ ແລະ ການພັດທະນາແບບຍືນຍົງຂອງກຸ່ມບໍລິສັດ ແພນອອສຸ ແລະ ຮອງຜູ້ຈັດການພະແນກອ່າງເກັບຫາງແຮ່.
ວິສະວະກອນຮັບຜິດຊອບໄລຍະອອກແບບ ແລະ ກໍ່ສ້າງ (EoR) ຖືກແຕ່ງຕັ້ງຈາກບໍລິສັດວິສະວະກໍາທີ່ມີຊື່ສຽງ. EoR ກວດສອບວຽກງານອອກແບບ ແລະ ກໍ່ສ້າງອ່າງເກັບຫາງແຮ່ ແລະ ຮັບຜິດຊອບການຕິດຕາມກວດກາດ້ານວິສະວະກໍາ ແລະ ບົດລາຍງານກ່ຽວຂ້ອງ. EoR ໃຫ້ການສະໜັບສະໜູນຢ່າງຕໍ່ເນື່ອງແກ່ທີມງານຫາງແຮ່ຂອງບໍລິສັດ ພູເບ້ຍ ມາຍນິງ ແລະ ຕິດຕໍ່ພົວພັນເປັນປະຈໍາກັບວິສະວະກອນຂອງບໍລິສັດ ພູເບ້ຍ ມາຍນິງ, ລວມທັງປະຊຸມປະຈໍາອາທິດ. EoR ດໍາເນີນການຕິດຕາມກວດກາສາມຄັ້ງໃນແຕ່ລະປີ, ລວມມີການທົບທວນຄວາມປອດໄພຂອງເຂື່ອນປະຈໍາປີ (ADSR). ນອກຈາກນັ້ນກໍ່ໄດ້ດໍາເນີນການທົບທວນຈາກໜ່ວຍງານເອກະລາດປະຈໍາປີ ໂດຍຄະນະທົບທວນຫາງແຮ່ເອກະລາດ (TIRP), ຊຶ່ງຊ່ຽວຊານໃນສາຂາການຄຸ້ມຄອງຫາງແຮ່, ແລະ ການທົບທວນຄວາມປອດໄພຂອງເຂື່ອນຮອບດ້ານໂດຍພາກສ່ວນທີ່ສາມ ແມ່ນເຮັດສໍາເລັດໂດຍບໍລິສັດວິສະວະກໍາທີ່ມີຊື່ສຽງທຸກໆສາມ ຫາ ຫ້າປີ.
ເພື່ອສອດຄ່ອງກັບຂໍ້ກໍານົດຕ່າງໆຢ່າງເປີດເຜີຍຂອງ GISTM, ບໍລິສັດ ແພນອອສ໌ ອອກບົດລາຍງານຢ່າງເປີດເຜີຍ ຊຶ່ງປະຕິບັດໄດ້ຕາມຂໍ້ກໍານົດ 15.1 B ຂອງ GISTM ສໍາລັບອ່າງເກັບຫາງແຮ່ຂອງບໍລິສັດ ພູເບ້ຍ ມາຍນິງ. ບົດລາຍງານເປີດເຜີຍລ່າສຸດ ສາມາດດາວໂຫຼດໄດ້ຈາກລິ້ງດັ່ງຕໍ່ໄປນີ້:
