ນອນຢູ່ໃນໃຈກາງຂອງອາຊີຕາເວັນອອກສ່ຽງໃຕ້, ປະເທດ ລາວ ແມ່ນປະເທດທີ່ຂຶ້ນຊື່ດ້ານຄວາມຜາສຸກ ແລະ ທໍາມະຊາດທີ່ສວຍງາມ. ເປັນທີ່ຮູ້ຈັກໃນດ້ານການວິຖີຊີວິດທີ່ສະບາຍ ແລະ ຄົນທ້ອງຖີ່ນທີ່ເປັນມິດ, ປະເທດ ລາວ ຍັງມີຄວາມກົມກຽວກັນລະຫວ່າງຄວາມຜ່ອນຄາຍ ແລະ ການຜະຈົນໄພ ທີ່ເປັນເອກະລັກ ສໍາລັບ ຜູ້ທີ່ຕ້ອງການອາໃສ່ຢູ່ ແລະ ເຮັດວຽກຢູ່ຕ່າງປະເທດ.
ທໍາມະຊາດທີ່ສວຍງາມ ແລະ ການຜະຈົນໄພຂ້າງນອກ
ປະເທດ ລາວ ແມ່ນສະຫວັນຂອງຄົນຮັກທໍາມະຊາດ. ດ້ວຍພູຜາທີ່ອຸດົມສົມບູນ, ປ່າດົງທີ່ຊຸ່ມເຢັນ, ແລະ ແມ່ນໍ້າຂອງທີ່ອັດສະຈັນ, ປະເທດ ມີຊື່ສຽງດ້ານຄວາມຫຼາກຫຼາຍທາງທໍາມະຊາດທີ່ຮັ່ງມີ. ພະນັກງານຕ່າງປະເທດ ແລະ ນັກເດີນທາງ ສາມາດສໍາພັດຄວາມມ່ວນຊື່ນຜ່ານກິດຈະກໍາຄື: ການເດີນປ່າ, ການພາຍເຮືອຄາຢັກ, ແລະ ການທ່ຽວຊົມຖໍ້າ ແລະ ນໍ້າຕົກຫຼາຍແຫ່ງ.
ຄວາມຮັ່ງມີ ແລະ ມໍລະດົກດ້ານວັດທະນະທໍາ
ມໍລະດົກດ້ານວັດທະນະທໍາຂອງລາວ ແມ່ນມີພື້ນຖານມາຈາກປະເພນີຂອງຊາວພຸດທະສາດສະໜາ ຢ່າງເລິກເຊິ່ງ. ສະຖານທີ່ສໍາຄັນເຊັ່ນ: ພະທາດຫຼວງ ແລະ ພູສີທີ່ສັກສິດ ມີຮ່ອງຮອຍຊີວິດຂອງປະຊາຊົນລາວ. ບຸນນະມັດສະການພະທາດຫຼວງ ແມ່ນການສະເຫຼີມສະຫຼອງທີ່ມີສີສັນ ເຊິ່ງນໍາສະເໜີປະເພນີອັນຈົບງາມຂອງປະເທດຊາດ.
ເສດຖະກິດທີ່ເຕີບໂຕ
ປະເທດ ລາວ ແມ່ນຢູ່ໃນທ່າກ້າວດ້ານເສດຖະກິດ, ໂດຍມີການປັບປຸງໂຄງລ່າງພື້ນຖານ ແລະ ການຄົມມະນາຄົມ ເຮັດໃຫ້ມີຄວາມສາມາດເຂົ້າເຖີງຫຼາຍຂຶ້ນກວ່າເກົ່າ. ຄ່າຄອງຊີບ ຍັງຄົງຕໍ່າ, ເຮັດໃຫ້ມີວິຖີຊີວິດທີ່ຈັບຈ່າຍໄດ້ສໍາລັບພະນັກງານຕ່າງປະເທດ.
ເປັນຫຍັງຕ້ອງແມ່ນປະເທດ ລາວ?
ການດໍາລົງຊີວິດຢູ່ ລາວ ໝາຍເຖີງການມີຊີວິດເປັນຢູ່ທີ່ບໍ່ວຸ້ນວາຍ, ທີ່ມີຊຸມຊົນ ແລະ ຄວາມລຽບງ່າຍເປັນສູນກາງ. ຄວາມປອດໄພ ແລະ ຄວາມສະຫງົບຂອງປະເທດ ແມ່ນມີສູງ, ໂດຍມີອັດຕາອາສະຍາກໍາທີ່ຕໍ່າ ເຊິ່ງເຮັດໃຫ້ມີສະພາບແວດລ້ອມທີ່ສະຫງົບ. ສໍາລັບຜູ້ທີ່ ຊອກຫາຄວາມສົມດຸນລະຫວ່າງການເຮັດວຽກ ແລະ ການພັກຜ່ອນ, ປະເທດ ລາວ ມີໃຫ້ໄດ້ຢ່າງສົມບູນແບບ ສຳລັບການເຕີບໃຫ່ຍຢ່າງເປັນມືອາຊີບໃນຂະນະທີ່ໄດ້ມ່ວນຊື່ນກັບຄວາມສຸກອັນລຽບງ່າຍຂອງຊີວິດ.
ປະເທດ ລາວ ແມ່ນສະຖານທີ່ດີ ໃນການໃຊ້ຊີວິດ ແລະ ການເຮັດວຽກ; ເປັນປະເທດທີ່ທ່ານ ສາມາດເຊື່ອມໂຍງກັບທໍາມະຊາດ, ເຊື່ອມຕົນເອງເຂົ້າກັບວັດທະນະທໍາທີ່ຮັ່ງມີ, ແລະ ເປັນສ່ວນໜຶ່ງຂອງຊຸມຊົນທີ່ຕ້ອນຮັບທ່ານດ້ວຍແຂນທີ່ເປີດຮັບ. ເປັນປະເທດທີ່ມີຊື່ສຽງດ້ານຄວາມສະຫງົບສຸກ, ຄວາມງາມ, ແລະ ຄວາມອົບອຸ່ນຂອງຄົນ - ເຊີ່ງເປັນອັນຍະມະນີທີ່ຊຸກເຊື່ອງຂອງອາຊີຢ່າງແທ້ຈິງ.
