ຫ້ອງການວຽງຈັນ

ພະແນກພົວພັນພາຍນອກ ປະກອບມີພະແນກຕ່າງດັ່ງລຸ່ມນີ້: 

• ພະແນກພົວພັນລັດຖະບານ 
• ພະແນກພົວພັນສື່ສານ 
• ພະແນກບໍລິຫານຫ້ອງການວຽງຈັນ  

ແຕ່ລະທີມງານ ສະໜັບສະໜູນ ຄວາມຕໍ່ເນື່ອງຂອງທຸລະກິດ ແລະ ຍຸດທະສາດການເຕີບໂຕຂອງບໍລິສັດ ພູເບ້ຍ ມາຍນິງ. ພະແນກພົວພັນພາຍນອກ ສົ່ງເສີມພາບພົດຂອງບໍລິສັດ ແລະ ຮັກສາການດໍາເນີນທຸລະກິດໃນລາວ. ການເຮັດວຽກໃກ້ຊິດ ແລະ ມີຄວາມສໍາພົນທີ່ດີນໍາລັດຖະບານ ສປປ ລາວ ແລະ ແຂວງ ໄຊສົມບູນທີ່ຕັ້ງຂອງເຂດດໍາເນີນງານຂອງບໍລິສັດ ແມ່ນສໍາຄັນຕໍ່ຜົນສໍາເລັດໂດຍລວມຂອງບໍລິສັດ. ການຄຸ້ມຄອງ ແລະ ການສ້າງຄວາມສໍາພັນນໍາບັນດາກຸ່ມຜູ້ມີສ່ວນກ່ຽວຂ້ອງທັງໝົດ ໃນລາວ ຊ່ວຍຮັບປະກັນໃຫ້ບໍລິສັດ ສາມາດດໍາເນີນງານຢ່າງປອດໄພ ແລະ ປະສົບຜົນສໍາເລັດໃນລາວ.  

ພະແນກພົວພັນລັດຖະບານ ປະກອບສ່ວນໃຫ້ຫຼາກຫຼາຍກິດຈະກໍາ ເພື່ອຜົນປະໂຫຍດຂອງບໍລິສັດ, ເຊິ່ງມີການເຮັດວຽກນໍາຫຼາຍໆກະຊວງຂອງພາກລັດ ເພື່ອສະໜັບສະໜູນການພັດທະນາໂຄງການທີ່ມີທ່າແຮງ, ການປົກປ້ອງເຂດສໍາປະທານຂອງການລົງທຶນຕ່າງປະເທດ ແລະ ສິດຕາມສັນຍາ MEPA ດ້ານສ່ວຍສາອາກອນ, ການຂົນສົ່ງດ້ວຍຕົນເອງ, ການຈັດຕັ້ງປະຕິບັດໂຄງການ ແລະ ເພື່ອເສີມຂະຫຍາຍຊື່ສຽງຂອງບໍລິສັດໃນ ລາວ.  

ພະແນກພົວພັນສື່ສານ ສະໜັບສະໜູນ ວຽກງານຂອງພະແນກພົວພັນລັດຖະບານ ໂດຍການເສີມຂະຫຍາຍພາບພົດຂອງບໍລິສັດ ຕໍ່ຜູ້ມີສ່ວນກ່ຽວຂ້ອງທັງໝົດໃນລາວ; ແລະ ຜ່ານການພັດທະນາຍຸດທະສາດການພົວພັນສື່ສານ ໃນສອດຄ່ອງກັບຍຸດທະສາດການພົວພັນສື່ສານໂດຍລວມຂອງບໍລິສັດ ແພນອອສ໌. ໃນຂອດຂອງການເຮັດວຽກ, ໂຄງການຕ່າງໆມີ ການສ້າງຊື່ສຽງຂອງບໍລິສັດ, ຫຼາຍໆງານພາຍໃນ ແລະ ພາຍນອກ, ງານພົວປະສັງສັນ, ລວມທັງການຜະລິດວີດີໂອຫຼາຍຮູບແບບ, ການຖ່າຍຮູບ, ຂ່າວສານ, ການແປພາສາ ແລະ ເນື້ອຂ່າວທາງສື່ສັງຄົມອອນລາຍ. ທີມງານດັ່ງກ່າວ ເຮັດວຽກໃກ້ຊິດກັບຜູ້ມີສ່ວນກ່ຽວຂ້ອງທີ່ສໍາຄັນ, ປະສານສົມທົບນໍາສໍານັກສື່ມວນຊົນທ້ອງຖິ່ນ ແລະ ແຫ່ງຊາດ ເພື່ອຮັບປະກັນໃຫ້ມີການເຜີຍແຜ່ຂ່າວ, ຜົນສໍາເລັດ ແລະ ຂີດໝາຍສໍາຄັນລ້າສຸດຂອງບໍລິສັດ.   

ພະແນກບໍລິຫານຫ້ອງການວຽງຈັນ ໃຫ້ການສະໜັບສະໜູນດ້ານບໍລິຫານສໍາລັບພາກສ່ວນທຸລະກິດປະຈໍານະຄອນຫຼວງວຽງຈັນໃນຄ່າໃຊ້ຈ່າຍທີ່ຕໍ່າ. ໜ້າທີ່ຂອງພະແນກບໍລິຫານ ຄຸ້ມຄອງຫ້ອງການ, ການບໍາລຸງສ້ອມແປງ ແລະ ການປັບປຸງຫ້ອງການ, ການສະໜອງເຄື່ອງໃຊ້ຫ້ອງການ, ເຄື່ອງໃຊ້ໃນເຮືອນຄົວ, ການອະນຸຍາດເຂົ້າຫ້ອງການ, ການເບິ່ງແຍງພາຫະນະຫ້ອງການວຽງຈັນ, ການຄຸ້ມຄອງພາກສ່ວນຮັບຕ້ອນ, ຄົນຂັບລົດ ແລະ ແມ່ບ້ານອະນາໄມ.