ດ້ວຍທີມງານຫຼາຍກວ່າ 300 ຄົນ, ທີມງານຄຸ້ມຄອງຄວາມສ່ຽງ ສະໜອງການສະໜັບສະໜູນຕະຫຼອດເວລາໃນເຂດດໍາເນີນງານຂຸດຄົ້ນ ແລະ ປຸງແຕ່ງ, ໂຄງການພາຍໃນ, ໂຄງການເຕີບໂຕຂອງທຸລະກິດ, ການສໍາຫຼວດເຂດນອກ, ການພັດທະນາແຮ່ທາດ ແລະ ການຂົນສົ່ງ.
ພະແນກຄຸ້ມຄອງຄວາມສ່ຽງ ຊ່ວຍຮັກສາການພົວພັນນໍາກອງຫຼອນບ້ານ ແລະ ເຮັດວຽກນໍາທະຫານ ເພື່ອຮັບປະກັນວ່າພະນັກງານ ແລະ ຊັບສິນຂອງພວກເຮົາ ປອດໄພ ແລະ ບໍ່ກະທົບ.
ພວກເຮົາ ສ້າງຕັ້ງ, ຮັກສາ ແລະ ທົບທວນລະບົບຄຸ້ມຄອງສຸຂະພາບ ແລະ ຄວາມປອດໄພ, ການແນະນໍາດ້ານຄວາມປອດໄພ ແລະ ການບໍລິການຝຶກອົບຮົມສໍາລັບ ພະນັກງານ, ຜູ້ຮັບເໝົາ ແລະ ຜູ້ຢ້ຽມຢາມ, ຄວາມອາດສາມາດໃນການຕອບໂຕ້ເຫດສຸກເສີນທັງການຂຸດຄົ້ນເທິງໜ້າດິນ ແລະ ໃຕ້ດິນ ແລະ ການສະໜັບສະໜູນສຸຂະພາບ ແລະ ການແພດ ສໍາລັບການເຈັບປ່ວຍ ແລະ ບາດເຈັບທີ່ກ່ຽວຂ້ອງກັບວຽກ ແລະ ບໍ່ກ່ຽວຂ້ອງກັບວຽກ ເຊັ່ນດຽວກັບສະໜັບສະໜູນເຫດເກີດ ແລະ ໂຄງການສຸຂະພາບໃນຊຸມຊົນທີ່ໃກ້ບໍ່.
ພະແນກຄຸ້ມຄອງຄວາມສ່ຽງ ແມ່ນທີມງານທີ່ຫຼາກຫຼາຍ ໂດຍມີແມ່ຍິງກວມເອົາ 20 ສ່ວນຮ້ອຍຈາກຫຼາຍກຸ່ມຊົນເຜົ່າລາວ ເຮັດວຽກຮ່ວມກັນ ເພື່ອບັນລຸຜົນໄດ້ຮັບໃນການດໍາເນີນງານໃນສະພາບແວດລ້ອມທີ່ປອດໄພ.
ພະແນກດັ່ງກ່າວ ມີພະນັກງານຄົນຕ່າງປະເທດໜ້ອຍກວ່າ 3 ສ່ວນຮ້ອຍ, ເປັນຜູ້ທີ່ມີບົດບາດພັດທະນາທັກສະ ແລະ ຄວາມອາດສາມາດຂອງແຮງງານຄົນລາວ.
ທີມຕອບໂຕ້ເຫດການສຸກເສີນ ແມ່ນຝຶກອົບຮົມການປ້ອງກັນອັກຄີໄພ ແລະ ການຊ່ວຍເຫຼືອທັງໃນບໍ່ຂຸດຄົ້ນໜ້າດິນ ແລະ ໃຕ້ດິຍ ພ້ອມພາຫະນະແລະ ລົດບັນທຸກຕອບໂຕ້ສຸກເສີນທີ່ມີອຸປະກອນຄົບຊຸດ ເພື່ອຮັບມືກັບເຫດການສຸກເສີນ. ມີສະຖານທີ່ຝຶກອົບຮົມ ແລະ ອັກຄີໄພເຊິ່ງສ້າງຕັ້ງຂຶ້ນຢູ່ທັງ ພູຄໍາ ແລະ ບ້ານຫ້ວຍຊາຍ ເພື່ອຮັບປະກັນໃຫ້ບຸກຄະລາກອນທີມງານຮັກສາທັກສະ ໂດຍສະເພາະການດັບເພີງ.
ທີມການແພດ ແມ່ນນໍາພາໂດຍຫົວໜ້າແພດ ແລະ ປະກອບມີຫ້ອງກວດທີ່ມີອຸປະກອນຄົບຖ້ວນ ແລະ ລົດໂຮງໝໍຢູ່ທັງ ພູຄໍາ ແລະ ບ້ານ ຫ້ວຍຊາຍ ທີ່ມີແພດໝໍ ແລະ ແພດປະຖົມພະຍາບານປະຈໍາ. ມີຫ້ອງກວດຂະຫນາດນ້ອຍທີ່ມີອຸປະກອນພ້ອມສໍາລັບພະນັກງານປະຈໍາທີມງານຂົນສົ່ງບ້ານ ທວາຍ, ລວມທັງສະມາຊິກຕອບໂຕ້ສຸກເສີນ. ທີມການແພດ ຮັກສາທັກສະຂອງພວກເຂົາດ້ວຍການຝຶກອົບຮົມທີ່ຕໍ່ເນື່ອງ ແລະ ຮັບປະກັນໃຫ້ອຸປະກອນທັງໝົດ ແມ່ນໃຊ້ຕາມຈຸດປະສົງ ແລະ ກຽມພ້ອມ - ນໍາໃຊ້ຕະຫຼອດເວລາ.
ທີມຄວາມປອດໄພ ຢູ່ບ້ານຫ້ວຍຊາຍ ແລະ ພູຄໍາ ຈັດຕັ້ງການກວດກາສະຖານທີ່ເຮັດວຽກ, ຕິດຕາມການປະຕິບັດຕາມມາດຕະຖານຄວາມປອດໄພ, ສະໜອງຂໍ້ມູນ ແລະ ປູກຈິດສໍານຶກສໍາລັບກອງປະຊຸມກ່ອນການປະຕິບັດງານ, ຊ່ວຍເຫຼືອການສືບສວນເຫດການ ແລະ ສະໜັບສະໜູນຊີ້ ນໍາກິດຈະກໍາເຮັດວຽກທີ່ມີຄວາມສ່ຽງສູງ ແລະ ການກວດສອບຜູ້ຮັບເໝົາ.
ທີມຄຸ້ມຄອງຊັບສິນ ຮັກສາການຄວບຄຸມການເຂົ້າເຖີງ ແລະ ການອອກສະໜາມ, ຕິດຕາມລະບົບກ້ອງວົງຈອນປິດ ແລະ ເຮັດວຽກນໍາທະຫານ ເພື່ອໃຫ້ມີການເວນຍາມ ເພື່ອປ້ອງກັນພະນັກງານ, ຊັບສິນ ແລະ ເຂດສໍາຫຼວດ ແລະ ເຂດພັດທະນາຂອງພວກເຮົາ ພາຍໃນ MEPA. ເຕັກໂນໂລຊີຕິດຕາມສໍາຫຼວດ ແມ່ນນໍາໃຊ້ກວມເອົາເຂດຂະໜາດໃຫຍ່, ເຊິ່ງມີ ຍົນໂດຣນ, ເຊິ່ງ ຈະເຮັດໃຫ້ນໍາໃຊ້ຊັບພະຍາກອນ ແລະ ມີເວລາດີກວ່າເກົ່າ. ທີມງານດັ່ງກ່າວ ຍັງແມ່ນສໍາຄັນ ເພື່ອຮັກສາຄວາມສໍາພັນໃນການເຮັດວຽກນໍາກອງກໍາລັງປ້ອງກັນຄວາມສະຫງົບ ແລະ ອໍານາດການປົກຄອງທ້ອງຖິ່ນ.
ທີມຝຶກອົບການເຮັດວຽກທີ່ມີຄວາມສ່ຽງສູງ ສະໜອງຫຼັກສູດການຝຶກອົບຮົມ ແລະ ການປະເມີນສໍາລັບ ບຸກຄະລາກອນບໍລິສັດ ພູເບ້ຍ ມາຍນິງ ຜູ້ທີ່ມີທັກສະຊ່ຽວຊານໃນວຽກຂອງພວກເຂົາ. ການຝຶກອົບຮົມ ແລະ ການປະເມີນ ແມ່ນເຮັດຕາມມາດຕະຖານອົດສະຕາລີ ສໍາລັບຄວາມສາມາດສາກົນ. ການຝຶກອົບຮົມ ລວມມີການຝຶກນໍາໃຊ້ລົດເຄນ 250ຕ, ເຮັດວຽກໃນທີ່ສູງ, ນັ່ງຫ້າງເຫຼັກ, ລົດຍົກເຄື່ອງ ແລະ ອຸປະກອນເຄື່ອງມືໃຊ້ສະເພາະຄວາມສ່ຽງສູງອື່ນໆ. ທີມງານ ຍັງດໍາເນີນການກວດກາຄວາມສາມາດຂອງຜູ້ຮັບເໝົາເປັນຜູ້ດໍາເນີນ ຫຼື ເຮັດວຽກໃນເຂດທີ່ມີຄວາມສ່ຽງສູງໃນສະໜາມ ກ່ອນເລີ່ມຕົ້ນວຽກ.
ທີມຝຶກອົບຮົມດ້ານສຸຂະພາບ ແລະ ຄວາມປອດໄພ ສະໜອງຫຼັກສູດການຝຶກອົບຮົມ ແລະ ການແນະນໍາພາກບັງຄັບ ສໍາລັບພະນັກງານ ແລະ ຜູ້ຮັບເໝົາທັງໝົດຜູ້ທີ່ເຮັດວຽກຢູ່ສະໜາມ. ການແນະນໍາ ແລະ ການຝຶກອົບຮົມເພີ່ມເຕີມ ແມ່ນມີໃຫ້ຜູ້ຈະເຮັດວຽກບໍ່ໃຕ້ດິນ. ການຝຶກອົບຮົມພາກບັງຄັບ ມີແນວທາງຂອງແພນອອສ໌, ກົດບັງຄັບ, ການລະບຸຄວາມອັນຕະລາຍ, ການແນະນໍາກ່ອນເຂົ້າເຂດຂຸດຄົ້ນ ແລະ ບໍ່ໃຕ້ດິນ. ສະຖານທີ່ຝຶກອົບຮົມສະເພາະ ແມ່ນມີຢູ່ທັງເຂດໂຮງງານ ພູຄໍາ ແລະ ບ້ານຫ້ວຍຊາຍ ສໍາລັບການຝຶກອົບຮົມສຸຂະພາບ ແລະ ຄວາມປອດໄພ ແລະ ການຝຶກອົບຮົມເຮັດວຽກທີ່ມີຄວາມສ່ຽງສູງ. ທີມຝຶກອົບຮົມ ແມ່ນເຮັດວຽກເພື່ອໃຫ້ການແນະນໍາ ແລະ ການຝຶກອົບຮົມອອນລາຍ ແລະ ການປະເມີນຫຼາຍຫຼັກສູດ.
