ພະແນກຂົນສົ່ງ ຄຸ້ມຄອງການຂົນສົ່ງພະນັກງານຂອງບໍລິສັດ ພູເບ້ຍ ມາຍນິງ, ການຂົນແຮ່ ແລະ ກິດຈະກໍາການສົ່ງເຄື່ອງ ແລະ ອຸປະກອບຮັບໃຊ້ເຂດດໍາເນີນງານໃນລາວ, ຫວຽດນາມ ແລະ ໄທ.
ການດໍາເນີນງານ
ພາຍໃນ ລາວ, ບໍລິສັດ ພູເບ້ຍ ມາຍນິງ ຂົນສິນຄ້າດ້ວຍລົດຫົວລາກ ແລະ ຫາງລາກຂອງຕົນເອງສໍາລັບການຂົນສົ່ງພາຍໃນ. ມີຜູ້ຮັບເໝົາຂົນສົ່ງ 3 ຝ່າຍຂົນສິນຄ້າຜ່ານທັງໄທ ແລະ ຫວຽດນາມ. ແຮ່ເຂັ້ມຂຸ້ນ ຈະຂົນສົ່ງຈາກໂຮງງານ ພູຄໍາ ຜ່ານທ່າເຮືອ ສີຣາຊາ ປະເທດ ໄທ, ໂດຍມີການຂົນສິນຄ້າ, ເຄື່ອງໃຊ້ຂອງໂຮງງານ ແລະ ສິນຄ້າອັນຕະລາຍ ບັນຈຸໃນລົດບັນທຸກຂົນມາລາວ. ນີ້ ຍັງ ປະກອບມີການຄຸ້ມຄອງສາງເກັບແຮ່ເຂັ້ມຂຸ້ນ ແລະ ການສົ່ງອອກ ຢູ່ທ່າເຮືອໃນ ສີຣາຊາ. ພະແນກຂົນສົ່ງຂອງບໍລິສັດ ພູເບ້ຍ ມາຍນິງ ມີຄວາມພາກພູມໃຈທີ່ສ້າງຄວາມໂດດເດັ່ນໃນການສົ່ງອອກຜະລິດຕະພັນ ເຊິ່ງມີການເກັບຮັກສາ ແລະ ການຂົນສົ່ງແຮ່ເຂັ້ມຂຸ້ນໃຫ້ປອດໄພ ຈາກປະຕູໂຮງງານ ຫາ ທ່າເຮືອ ແລະ ສົ່ງຜະລິດຕະພັນຈາກບໍ່ ໄປ ທ່າເຮືອ ເຊິ່ງຖືກຕ້ອງຕາມຂໍ້ກໍານົດຂອງລູກຄ້າ ແລະ ລະບຽບຂອງປະເທດ.
ສະຖານທີ່ ບ້ານ ທວາຍ, ແມ່ນສູນລວມຂົນສົ່ງມີທີ່ຕັ້ງເປັນຍຸດທະສາດຫ່າງຈາກໂຮງງານ ພູຄໍາ 124 ກິໂລແມັດ, ອໍານວຍຄວາມສະດວກໃນການໂອນຖ່າຍສິນຄ້າລະຫວ່າງລົດບັນທຸກຂອງຜູ້ຮັບເໝົາ ແລະ ລົກບັນທຸກຂອງບໍລິສັດ.
ທີມຂົນສົ່ງ ດໍາເນີນສາງສິນຄ້າພາຍໃນເຂດການຄ້າເສລີ ເຊິ່ງຕັ້ງຢູ່ໃກ້ກັບທ່າເຮືອ ແຫຼມສະບັງໃນປະເທດ ໄທ. ສິນຄ້າຂາເຂົ້າຈາກສາກົນທັງໝົດ ແລະ ຈາກພາຍໃນປະເທດໄທ ແມ່ນມາເກັບຮວບຮວມຢູ່ສາງສິນຄ້າ ກ່ອນມີການແຈກຢາຍ-ຂົນສົ່ງມາເຂດດໍາເນີນງານຢູ່ ລາວ.
ເຫດການເດັ່ນ
ໃນປີ 2023, ພະແນກຂົນສົ່ງຂອງ ບໍລິສັດ ພູເບ້ຍ ມາຍນິງ ເປັນຜູ້ຊະນະເລີດ ລາງວັນແຮ່ທາດອາຊຽນປະຈໍາປີ 2023 - ການປະຕິບັດດີເລີດໃນການຈັດຈໍາໜ່າຍແຮ່ທາດ. ລາງວັນ ຮັບຮູ້ການຈັດຈໍາໜ່າຍຂອງພະແນກຂົນສົ່ງບໍລິສັດ ພູເບ້ຍ ມາຍນິງ ເຊິ່ງສົ່ງຜົນກະທົບດີຕໍ່ການພັດທະນາຊຸມຊົນ, ສ້າງຜົນດີຕໍ່ການສະໜອງແຮ່ທາດໃນອາຊຽນ, ການພັດທະນາຊັບພະຍາກອນມະນຸດ, ຜະລິດຕະພາບ ແລະ ປະສິດທິຜົນຂອງຊັບພະຍາກອນ, ແລະ ມາດຕະການຕົວຈິງ ເພື່ອສ້າງຜົນດໍາເນີນງານດ້ານສຸຂະພາບ, ຄວາມປອດໄພ ແລະ ສິ່ງແວດລ້ອມ.
