ການຄຸ້ມຄອງບໍລິສັດ

ຄໍາແນະນໍາດ້ານການຄຸ້ມຄອງຂອງບໍລິສັດ

• ບໍລິສັດ ພູເບ້ຍ ມາຍນິງ ປະຕິບັດຕາມວິໄສທັດ ແລະ ຄຸນນະທໍາຂອງແພນອອສ໌ ໃຫ້ກອບວຽກສໍາລັບຍຸດທະສາດຂອງທຸລະກິດ, ແລະ ພຶດຕິກໍາ ແລະ ວັດທະນາທໍາຂອງບໍລິສັດ. ຫຼັກການປະພຶດປະຕິບັດຂອງບໍລິສັດ, ແນວທາງຂອງແພນອອສ໌ ສັງລວມມາດຕະຖານຕໍ່າສຸດຂອງພຶດຕິກໍາທີ່ຄາດຫວັງຂອງບັນດາຜູ້ອໍານວຍການ, ພະນັກງານ ແລະ ຄູ່ຮ່ວມທຸລະກິດຂອງແພນອອສ໌.

• ບໍລິສັດ ພູເບ້ຍ ມາຍນິງ ໃຫ້ການສະໜັບສະໜູນ ແລະ ບໍລິຈາກແກ່ແຜນງານສະເພາະ, ອົງການຈັດຕັ້ງຕ່າງໆ ຫຼື ສິ່ງຂອງຈໍາເປັນຕ່າງໆທີ່ສ້າງຄວາມເອື້ອເຟື້ອເພື່ອແຜ່ໃນເຂດດໍາເນີນງານ ແລະ/ຫຼື ເພີ້ມທະວີສາຍພົວພັນກັບຄູ່ຮ່ວມງານຫຼັກ. ໃນການປະຕິບັດເຊັ່ນນັ້ນ, ບໍລິສັດ ພູເບ້ຍ ມາຍນິງ ນໍາໃຊ້ຫຼັກການຕໍ່ໄປນີ້ ເພື່ກໍານົດ ແລະ ໃຫ້ບູລິມະສິດສໍາຄັນແກ່ ການສະໜັບສະໜູນ ແລະ ບໍລິຈາກ.

• ນະໂຍບາຍການຄຸ້ມຄອງຄວາມສ່ຽງຂອງວິສາຫະກິດ ໃຊ້ເອກະສານປະກອບວຽກ, ຂັ້ນຕອນ ແລະ ລະບຽບການຕ່າງໆເພື່ອຖືກນໍາໃຊ້ໂດຍບໍລິສັດ ພູເບ້ຍ ມາຍນິງ ໃນການເຝົ້າລະວັງ ແລະ ຄຸ້ມຄອງຄວາມສ່ຽງທີ່ສໍາຄັນຂອງທຸລະກິດ.

• ວິທີການຂອງບໍລິສັດ ພູເບ້ຍ ມາຍນິງ ຕໍ່ການເບິ່ງແຍງດູແລສິນຄ້າ ສຸມໃສ່ການເກັບຮັກສາ ແລະ ການຂົນສົ່ງແຮ່ເຂັ້ມຂຸ້ນຈາກບໍ່ຂຸດຄົ້ນໄປທ່າເຮືອຜ່ານໄປຈົນເຖິງການນໍາສົ່ງສິນຄ້າທີ່ໄດ້ຕາມຂໍ້ກໍານົດຈໍາເພາະຂອງລູກຄ້າ ແລະ ຂໍ້ກໍານົດຕ່າງໆພາຍໃນປະເທດ.

ບໍລິການລາຍງານສາຍດ່ວນການກະທໍາຜິດ

ບໍລິສັດ ພູເບ້ຍ ມາຍນິງ ໃຊ້ ບໍລິການລາຍງານສາຍດ່ວນການກະທໍາຜິດ ຊຶ່ງເປັນວິທີການທີ່ເປັນຄວາມລັບ ແລະ ບໍ່ເປີດເຜີຍ ສໍາລັບພະນັກງານບໍລິສັດ ພູເບ້ຍ ມາຍນິງ ແລະ ຄູ່ຮ່ວມງານ ເພື່ອລາຍງານ ຫຼື ຍົກຂໍ້ຂ້ອງໃຈກ່ຽວກັບການກະທໍາຜິດຢູ່ສະຖານທີ່ເຮັດວຽກ ຜ່ານໜ່ວຍງານເອກະລາດພາຍນອກ. ມາດຕະຖານການບໍລິການລາຍງານສາຍດ່ວນການກະທໍາຜິດ ຂອງ ແພນອອສ໌ ໃຫ້ກອບວຽກສໍາລັບລາຍງານແບບບໍ່ເປີດເຜີຍ ແລະ ຄວາມລັບ ຜ່ານ ການບໍລິການລາຍງານສາຍດ່ວນການກະທໍາຜິດ.